لماذا انا ؟

ليله امس كانت من اطول الليالي اللتي قابلتها منذ زمن بعيد .. هل هذا لانني اصبحت عاشقه ؟ هل هذا يحدث عندما تقع في غرام احدهم ؟ ربما ......

اشعر كأنني زرع يابس طال انتظاره لسقوط الامطار فقد كانت لا تفارقني ليله او نهار دون ان يداعب ماء المطر اوراقي فتنتعش و تتفتح الازهار   نهاراً ولكن ... الأن اصبح ليلي كنهاري و فارقتني اوراقي و ذبلت ازهاري  و لكني لم افارق الامل ظللت انظر للسماء داعيه للفرج القريب ، انظر للسحب و اتعجب ؟ لماذا لونها مظلم ؟ لماذا اري هذا الحرن في السماء ؟ ام هاتان عينيا اصبحت كالقطط لا اري ألوان في اي شئ انظر له كأن محبوبي هو المنظار الجميل اللذي يساعدني علي رؤيه الجمال و الالوان ! 

طال الانتظار اصبحت ساعات اليوم كا ايام السنه و الايام كالسنين ومع مرور كل دقيقه يزداد الشوق لهيبا ًو تزداد حيرتي سؤالاً "هل تشعر بقلبي الأن ام فارقتك صورته ؟ هل مازال تجري في دماءك الشوق لي ام جفت انهارك ؟ هل ما يحدث لي من سوء اختياري ؟ ...." 

امضيت عامين و نصف ابعد كل من يحاول تخطي سور قلبي ، فلقد فقدت معني الحب و احساسه و لم اعطي عذراً لكل من يتقدم عند بابي و يقول لي "أحبك "  ..... كنت ابكي كل ليله اتسأل : أليست هذه الكلمه اللتي تخضع لها القلوب و المشاعر ؟ لكن لا ... فقد سمعتها مئات المرات و لم تجدي نفعا فكانت تزيد من قسوة قلبي و جفاء مشاعري  ؛ ثم ألتقيتك ..... 

نعم اتذكر هذا اليوم بنسيمه الجميل في يوم حار من ايام الصيف فقد جئت فعلا من حيث لا أدري و لا أعتقد .. اتذكر انني  كنت أراقبك لفتره من بعيد و لم اعرف لماذا ربما رأيت فيك شئ مميز  و لكني نسيت كل شئ و مضيت في طريقي لسنين؛  ثم علمت انك كنت تراقبني أيضاً و لكنك لم تنساني فظللت تسأل عني و تتلهف لأخباري و توالت الايام و أخبرتني .......

حقيقةً لا اتذكر شئ في هذا اليوم إلا  .... ويتبع

اخر أيامى في الكليه

باقي من الزمن أسبوعين  , أسبوعين !! بجد !!  ياراجل 

مش مصدقه !!

ايه دا الواحد كبر بسرعه كده ليه :(

 ده انا لسه فاكره اول يوم دخلت فيه الكليه كأنو لسه امبارح بكل تفاصيله ...

 علي اد ما انا فرحانه اووى اني خلاص حبقي حره .. علي أد منا خايفه من المرحله الجديده اللي انا داخلاها

حياتنا شبه سوبر ماريو خلصنا أول كام ليفل الحضانه و ابتدائي أعدادى ثانوي و دلوقتي بنقتل الوحش الاخير بتاع الكليه و عشان نخش علي ليفل أعلي

بس بجد محستش أد ايه انا زعلانه غير لما العد التنازلي أبتدي ..

نعمل فلاش بااااك كده   .....

ذكريات يارب ما يعودها 

ايوة ايوة فااكره لما كنت واقفه قدام باب الكليه و ببصلها لفوق كده و قلبي مقبوض و حاسه انها ملهاش أخر  و داخله كاني داخله سجن  او كأن ماما لسه مودياني الحضانه و مش عايزه أسيبها و ماشيه في الشارع الطووويل العريض ده حاسه كأني في عالم تاني  ..
 اتنين هنا بيحبوا في بعض  و شله ولاد هنا بيشربوا سجاير و 2 واقفين تحت شجره بيعاسكو اللى رايح و اللي جاي  .. و جروب ماشى في الكليه كأنهم ملكينها ..و لا انسى كافتيريه  الكليه او ممكن غرزه الكليه عباره عن فسحه مغطينها و فيها كراسي بلاستيك و ناس قاعده ليل نهار تطلب في حاجات و كوتشينا و ضحك و كركره  و رصيف  والكليه اللي اتحول لبنشات ناس قاعده عليها و ناس غريبه   ... 

 L

وقفت تحت شجره  و فضلت أبص حواليا لحد ملقط واحده أعرفها من سنين و مكنتش بطيقها , بس أعمل ايه أهوو أحسن من غيرها , نادتلها  و وقفت معاها  و ها ها ها عرفت ان فى محاضرات و مواعيد و سكاشن و ان عندي 4 كليات بسم الله ما شاء الله كل واحده في حته و مواصلات و كعبله و محاضرات في نفس المواعيد و بلا بلا بلا ... ابتديت اتعرف علي الناس  .... كلمت دى و اتخنقت مع دي و اتصدمت في دي و ده و شوفت حاجات عمررري متخيلت اني أقابلها أصلي كنت بسمع عنهم بس :(

و كتييير كنت بروح أعيط لماما و أقولها امتي ربنا يتوب عليا من الكليه دي

و مع الوقت أتعلمت أزاي أتعامل مع الناس و اكلم مين و مين مكلمهووش...  بس ميمنعش برضه اني كنت بتصدم في ناس كتير

بس مش كل الايام كانت وحشه برضه !!

هتوحشني قعادنا في المحاضرات و الضحك و الهزاز .. و فجأه أسكتش المحاضرات يتقلب اكس أوو و اتوبيس كومبليت و غرفه شات لا تخلو من النميمه علي خلق الله و يا سلام بقي لو الدكتور او الدكتوره بيعملو حاجه غريبه تلاقي فجأه الوشوش أحمرت و اللي نزلت تحت البنش و اللي حاطه وشها في الاسكتش و اللي مقدرتش تمسك الضحكه و هاتك يا ضحك للصبح .. و بكده حنقابل نوعين من الدكاتره في الموقف ده واحد حيبصلك الباصه ايها من غير كلام   فتتخرسي.... و تاني حيطردتك انتى و 3 بنشات قدامك و 2 جنبك و 4 وراكي  و طبعا كلوا مبيصدق :)

ولا لما بيبقي فيه بريك كبير بين المحاضرات و نجيب أكل و حاجات حلوه أااااااااد كده و نقعد... و لو شله بنات بس  بقي اتفرج علي النميمه و ميسبوش حد ماشي قدامهم غير ميطلعواا فيه العبر و لو عجبتهم يا برنس تخرج المواهب تظهر و يطلقوا عليك اسامي  من حيث لا تدري مثلا  " مديحه , جيجي , هاند فيري , زوزه , .... "

 و هكذا و لو شله بنات وولاد برضه حتلاقيهم جيبين في سيره حد  

ولا لما بيبقي عندنا رحلات ميدانيه علميه فجأه تلاقيها اتحولت لرحله مدرسيه كله جايب سندوتشات بكل الاصناف  و حاجه ساقعه و لب و سوداني ولو ماما عامله بسبوسه امبارح تجيب و كوتشينا و لا ننسي دوور كاميرات الموبيل 

في 3000 صوره اللي بتتأخد في أقل من 4 5 ساعات

ولو واحده معجبه بواحد فجأه صحابها يتحولو مفتش كرومبو و يجبولها أخباره و ده بصلك أنهارده مش عارفه بيعمل ايه و  يدخلوا عالم  المغامرات  

 وحاجات جميله كانت بتحصل في الكليه و خلاص أنتهت

عشان كده
 انا هتخرج ان شاء الله مش معايا بس شهاده مكتوب عليها اسمي ! انا هتخرج معايا صحاب  عيشت معاهم الحلو و المر و ضحك و فرح و حزن و خناق  و ذكريات لا يمكن تتنسي و حاجات كتير اتعلمتها و حاجات شفتها و أسلوب حياه و شخصيه جديده أقوى و اذكى و أكتر أستيعاب للحياه و اللي فيها 
 عشان عمرك ما هتكون نفس البنى ادم اللي دخل الكليه ... ياريت كل واحد فينا يبقي خارج بكل ده عشان يبقوا 4 سنين في الكليه ليهم قيمه J

مفيش صاحب

مفيش صاحب يتصاحب !

• كلمه و بقت علي كل لسان ... يا ترا ليه عيب زمن ولا عيب ناس و لا عيب تربيه و لا المصالح بقت اهم !ولا اقولك كام حاجه كده بتحصل :
• اصل بقي عادي انك انهارده تقعد تضحك و تهزر و تاكل و تشرب و تضحك و تعيط مع شخص و بكره يبطل يكلمك و يسأل عليك و لما تكلمه يطلعلك حجج فارغه زي مش فاضي او بذاكر او او او .... و متعددش الاعذار اصل حججه بتكون كتير و كل مره بينوع
• أصل بقي عادي برضه تقف جنبهم و تساعدهم و تضحكهم في عز ما هما متضايقين و ترفه عنهم حتي لو بيك مشاكل الدنيا حتي لو مخنوق مبتنساهمش و برضه يبطلوا يكلموك !
• أصل عادي 7 سنين صحوبيه متفارقوش ولا ثانيه و كأنكوا واحد و تبطل او يبطل يكلمك عشان دخل كليه أحسن منك 
• و عادي برضه انه يحسسك انك حد مهم اووى ان مفيش حد ممكن يأثر عليه و يبعدوا عنك و أول الل "بيحبوا " يقلوا بيعد يبتديي يجبلك أعذار هابله و فاكرك أهبل أو يقول مع الوقت حيفهم
• أصل عادي انك تصدق كلامهم و تأمنلهم علي أسرارك و حياتك و كل حاجه و دلوقتي حاطط قلبك علي ايدك خايف يطلعوا اسرارك برا !أصل بقي اللي عادي اوي قدامك حبيبك و من وراك ولا يدافع عنك و يجيب في سيرتك و ممكن يشتمك 
• أصل عادي انك اول متعرفهم تقول ... طب ما يمكن كانوا مختلفين مش يمكن يبقوا كويسين ! ... اظن دلوقتي اجابه سؤالك وصلت
• بس بقي اللي مش عادي انك كل مره تصدق ! .. لأن فعلا مبقاش فيه صاحب يتصاحب الا قليل و لو لقيتو خل بالك عشان في يوم حيسيبك برضه ... أصل الدنيا مش ثابته و لا الشخصيات ثابته ... عشان كده خلي بالك  و متزعلش أصل ربك كبير و قلبك الطيب ده نعمه حافظ عليها اكيد في زيك بيتظلم بس ظروفكو مش سامحلكو تتقابلو !

و كلامي كله عن تجربه .. و ياريت أتعلم !